பிரதேச செயலகம் - சங்கானை

வலி மேற்கு சங்கானை பிரதேச செயலக பிரிவுக்குட்பட்ட வட்டு தெற்கு J/165 கிராம அலுவலர் பிரிவில் உள்ள இன்பச்சோலை எனும் கிராமத்தில் அவங்கலங்கா நிதியத்தின் (Avanka Lanka foundation) "Love Jaffna" திட்டத்தினுடாக புதிதாக அமைக்கப்பட்ட மற்றும் புனரமைக்கப்பட்ட வீடுகள் கையளிக்கும் நிகழ்வு இம்மாதம் 2 ஆம் திகதி இடம் பெற்றது.

இவ் நிகழ்விற்கு வலி மேற்கு பிரதேச செயலாளர்,பிரதேச செயலக பிரதித்திட்டமிடல் பணிப்பாளர், குறிப்பிட்ட நிறுவனத்தின் இயக்குனர், அப்பகுதி கிராம உத்தியோகத்தர் மற்றும் பொதுமக்கள் என பலரும் கலந்து கொண்டதுடன் 3 புனரமைக்கப்பட்ட வீடுகளும் 1 புதிய வீடும் பொதுமக்களிடம் கையளிக்கப்பட்டது குறிப்பிடத்தக்கது.

சங்கானை பிரதேச செயலகத்தின் வருடாந்த பனை மர நடுகைத்திட்டமானது 2023.10.31 அன்று சுழிபுரம் மேற்கு (J/172), பொன்னாலை (J/170), மூளாய் (J/171) கிராமங்களில் இடம்பெற்றதுடன் இத் திட்டத்தின் கீழ் 5000 பனை மரக்கன்றுகள் நடுகை செய்யப்பட்டன.அன்றைய தினம் சுழிபுரம் மேற்கு சவுக்கடி பிரதேசத்தில் 350 தென்னங்கன்றுகள் மற்றும் 50 நிழல் தரும் மரக்கன்றுகளும் நாட்டப்பட்டன.

இந் நிகழ்வில் எமது பிரதேச செயலகத்தில் புதிதாக தனது கடமையினை பொறுப்பேற்றுக் கொண்ட பிரதேச செயலர் திருமதி கவிதா உதயகுமார் தனது முதலாவது களப்பயணத்தினை மேற்கொண்டு இந் நிகழ்வினை சிறப்பித்தார்.

மேலும் இந் நிகழ்வில் பிரதி திட்டமிடல் பணிப்பாளர் மற்றும் திட்டமிடல் கிளையின் அபிவிருத்தி உத்தியோகத்தர்கள் இக் கிராம சமூகமட்ட அமைப்புக்களின் பிரதிநிதிகள் மற்றும் பொதுமக்கள் பலரும் கலந்து சிறப்பித்தனர்.

இந்திகழ்வின் பதிவுகள் சில...

சங்கானை பிரதேச செயலக பிரிவிற்குட்பட்ட கைத்தொழிலாளர்களுக்கு சந்தைப்படுத்தல் வசதியினை ஏற்படுத்திக்கொடுக்கும் முகமாக வலிகாமம் மேற்கு பிரதேச செயலக கைத்தொழில் பிரிவினால் 2023.11.02 மற்றும் 2023.11.03 ஆகிய இரு தினங்களும் வட்டுக்கோட்டை யாழ்ப்பாணக் கல்லூரியில் விற்பனைக்கண்காட்சி ஒழுங்கமைக்கப்பட்டது. இங்கு குறிப்பாக பாரம்பரிய உணவு மற்றும் ஏனைய உள்ளுர் உற்பத்திப் பொருட்களை மாணவர்கள், ஆசிரியர்கள் மற்றும் பெற்றோர்கள் என பலரும் கொள்வனவு செய்து பயனடைந்தமை குறிப்பிடத்தக்கது.

இதுவரை சங்கானை பிரதேச செயலாளராக கடமையாற்றிய திருமதி பிரேமினி பொன்னம்பலம் அவர்கள் 2023.10.23 அன்றிலிருந்து இடமாற்றம் பெற்று செல்வதோடு புதிய பிரதேச செயலாளராக திருமதி கவிதா உதயகுமார் அவர்கள் பொறுப்பேற்றுக்கொண்டுள்ளார்.

இடமாற்றம் பெற்றுச்செல்லும் மதிப்பார்ந்த பிரதேச செயலாளர் திருமதி பிரேமினி பொன்னம்பலம் அவர்களை நன்றியுடன் பாராட்டி எதிர்காலம் சிறப்பாக அமைய வாழ்த்துவதோடு எமது புதிய பிரதேச செயலாளர் அவர்களின் பணிகள் சிறப்புறவும் சங்கானை பிரதேச செயலக உத்தியோகத்தர்கள் அனைவரும் வாழ்த்துக்களை தெரிவித்துக்கொள்ளகின்றோம்!