பிரதேச செயலகம் - சங்கானை

வலிகாமம் மேற்கு பிரதேச செயலக பிரிவுக்குட்பட்ட பதிவுசெய்யப்பட்ட விளையாட்டுக் கழகங்களுக்கிடையிலான விளையாட்டு விழா 2019

2019 ஆம் வருடத்திற்கான வலிகாமம் மேற்கு பிரதேச செயலக பிரிவுக்குட்பட்ட பதிவுசெய்யப்பட்ட விளையாட்டுக் கழகங்களுக்கிடையிலான விளையாட்டு விழாவானது 30.03.2019 ஆந்திகதி சனிக்கிழமை ஆகிய இன்று பி.ப 2.00 மணியளவில் யா/சுழிபுரம் விக்ரோறியாக் கல்லூரி மைதானத்தில் ஆரம்பமாகியது.

இவ்விழாவுக்கு மதிப்பிற்குரிய வலிமேற்கு பிரதேச செயலாளர் திருமதி.பொ.பிரேமினி அவர்கள் தலைமை தாங்கியதுடன் பிரதம விருந்தினராக வடக்கு மாகாண கௌரவ ஆளுனர் அவர்களின் செயலாளரும் முன்னாள் வலிமேற்கு பிரதேச செயலாளருமான திரு.இ.இளங்கோவன் அவர்கள் கலந்து சிறப்பித்திருந்தார். அத்துடன் சிறப்பு விருந்தினர்களாக யா/விக்ரோறியாக் கல்லூரி அதிபர் திருமதி.சத்தியகுமாரி சிவகுமார் அவர்களும் மாவட்ட விளையாட்டு உத்தியோகத்தர் திரு.க.விஜிதரன் அவர்களும் கலந்து சிறப்பித்திருந்தனர்.. அத்துடன் கௌரவ விருந்தினராக ஓய்வுநிலை கட்டிட நிர்மாணப் பொறியியல் விற்பன்னரும் விளையாட்டு ஆர்வலருமாகிய திரு.சின்னத்தம்பி இராஜேஸ்வரன் அவர்களும் கலந்து சிறப்பித்திருந்தார்.

இவ்விளையாட்டுவிழாவில் கழகங்களுக்கிடையிலான பல்வேறு விளையாட்டுப் போட்டிகளில் கலந்து வெற்றியீட்டிய விளையாட்டு வீரவீராங்கனைகளுக்கான வெற்றிச்சின்னங்கள் அணிவிக்கப்பட்டு கௌரவிக்கப்பட்டுள்ளதுடன் அதற்கான சான்றிதழ்களும் வழங்கப்பட்டன. அத்துடன் வெற்றி பெற்றவர்களுக்காக கேடயங்களும் மதிப்பிற்குரிய பிரதேச செயலாளர் மற்றும் விருந்தினர்களால் வழங்கிக் கௌரவிக்கப்பட்டனர்.

அத்துடன் வரவேற்புரை உதவிப்பிரதேச செயலாளர் திருமதி.கி.செந்தூரன் அவர்களால் வழங்கப்பட்டது. அத்துடன் மதிப்பிற்குரிய பிரதேச செயலாளர் அவர்கள் தனது தலைமையுரையில்,

பிரதேச மட்ட கழகங்கள் தமது ஒழுக்கங்களைச் சிறந்த முறையில் பேணி சமுகப் பொறுப்புள்ளவர்களாக செயற்படுதல் வேண்டுமெனவும் ஏனைய கல்விச் செயற்பாடுகளிலும் அக்கறை செலுத்த வேண்டுமெனவும் மாவட்ட , மாகாண , தேசிய போட்டிகளில் வெற்றிகளைப் பெற வேண்டும் எனக் குறிப்பிட்டார்.

அத்துடன் மாவட்ட விளையாட்டு உத்தியோகத்தர் திரு.கஜிதரன் அவர்கள் குறிப்பிடுகையில் அதிக வெப்பம் இருக்கும் இக்காலத்தில் கூட இவ்வீரவீராங்கனைகள் விளையாட்டில் ஆர்வமாக செயற்பட்டதாகவும் இவ்விளையாட்டு விழாவானது உரிய காலத்தில் சிறப்பாக நடாத்தி முடித்திருப்பதையிட்டு நன்றி பாராட்டுவதாகவும் குறிப்பிட்டார். அத்துடன் மாவட்ட , மாகாண , தேசிய , சர்வதேச மட்டப் போட்டிகளில் சாதனை படைக்க வேண்டும் எனவும் குறிப்பிட்டார். அத்துடன் நேர்சிந்தனையுடன் கல்வித்துறையிலே அக்கறை காட்டும் அதேவேளை விளையாட்டுத்துறையிலும் அதிக அக்கறை காட்டப்பட வேண்டும் எனவும் குறிப்பிட்டார்.

மேலும், இவ்விளையாட்டு விழாவில் பங்களித்த யாவருக்கும் எமது பிரதேச செயலக விளையாட்டு உத்தியோகத்தர் திரு.செ.ரம்மியராகுலன் அவர்களின் நன்றி பாராட்டுதலுடன் இனிது நிறைவுற்றது.

போதைப்பொருள் ஒழிப்பிற்கான ஜனாதிபதி விசேடசெயலணியின் சுற்றறிக்கைக்கு அமைவாக சங்கானைப் பிரதேசசெயலகத்தில்; 03.04.2019 அன்றுபோதைப்பொருள் பாவனையைத் தடுத்தல் என்னும் தொனிப்பொருளில் விசேட விழிப்புணர்வு நிகழ்வு இடம்பெற்றது.

மேலும் காலை 8.30 மணியளவில் மதிப்பிற்குரிய பிரதேச செயலாளர் திருமதி பொ.பிரேமினி அவர்களால் தேசியகொடி ஏற்றிவைக்கப்பட்டு நிகழ்வானது ஆரம்பிக்கப்பட்டது. இந்நிகழ்வில் சங்கானைப் பிரதேசசெயலகத்தைச் சேர்ந்த அனைத்து உத்தியோகத்தர்களும்; கலந்துகொண்டு போதைப்பொருள் பாவனையிலிருந்து விடுபடுவோம் என சத்தியப்பிரமாணம் எடுத்துக் கொண்டனர். அத்தோடு போதைப்பொருள் பாவனையைத் தடுத்தல் விழிப்புணர்வு தொடர்பாக பிரதேச செயலாளர் அவர்கள் உரையற்றினார்.

யாழ் மாவட்டபதிவாளர் திணைக்களத்தின் பிறப்பு மற்றும் திருமணப் பதிவுகள் தொடர்பான நடமாடும் சேவை சங்கானை பிரதேச செயலக மாநாட்டு மண்டபத்தில் 04.04.2019 அன்று இடம்பெற்றது. இதனை உதவிப் பிரதேச செயலாளர் திருமதி.செந்தூரன் அவர்கள் ஆரம்பித்துவைத்தார். இதற்கு வடக்கு மாகாண மாவட்ட உதவி பதிவாளர் நாயகம் அவர்களும் மேலதிக மாவட்டபதிவாளர்,சிறுவர் உரிமை மேம்பாட்டு உத்தியோகத்தர் மற்றும் பதிவகக்கிளை உத்தியோகத்தர்களும் பங்குபற்றியிருந்தனர். இதில் இதுவரையும் பிறப்பினை பதிவு செய்யாத 18 வயதுக்கு உட்பட்ட சிறுவர்களுக்கான பிறப்புச்சான்றிதழ் பதியப்பட்டு 38 பேருக்கு பிறப்பு சான்றுதழ்களும் வழங்கப்பட்டன. அத்துடன் இதுவரை திருமணப் பதிவு மேற்கொள்ளாத 8 பேருக்கும் திருமணப்பதிவுகளும் மேற்கொள்ளப்பட்டமையும் குறிப்பிடத்தக்கதாகும்.

54268411 388998034989312 394613859920379904 o