ප්‍රාදේශීය ලේකම් කාර්යාලය - චංකානයි

சர்வதேச மகளிர் தினத்தை முன்னிட்டு எமது பிரதேச செயலகத்தில்,  "பெண்களின் திறமைகளை வலுவூட்டுவதன் ஊடாக சமூகத்தில் பெண்களை பொருளாதார ரீதியாக மேம்படுத்தி பெருமைக்குரியவர்களாக உருவாக்குதல்" எனும்  தொனிப்பொருளில் தேவை நாடும் மகளிர் அமைப்பு (WIN), இதம் நிறுவனம், உலக தரிசன நிறுவனம் (World Vision) மற்றும் சமூக மாற்றத்துக்கான போராட்ட இயக்கம் ஆகியோரின் அனுசரணையுடன் பெண்கள் அபிவிருத்திப் பிரிவினரால் நடாத்தப்பட்ட  மகளிர் தின நிகழ்வு 24.03.2023 அன்று மு.ப 9.30 மணியளவில்  நடைபெற்றது. இந்நிகழ்வானது எமது பிரதேச செயலாளர் திருமதி. பிறேமினி பொன்னம்பலம் அவர்களின் தலைமையில் இடம் பெற்றது.

நலன்புரி நன்மைகள் சபையின் செயற்திட்டத்தின் கீழ் எண்ணீட்டுக் கள உத்தியோகத்தர்களுக்கான அஸ்வசுமா மொபைல் அப் (Aswasuma Mobile App ) தொடர்பான பயிற்சி நெறியானது 13.12.2022 ஆம் திகதி பிரதேச செயலக மாநாட்டு மண்டபத்தில் நடைபெற்றது.

இந்நிகழ்வில் நலன்புரி நன்மைகள் சபையின் செயற்திட்டத்தினை வெற்றிகரமாக மேற்கொண்டு இத்திட்டத்தினை வினைத்திறன் மிக்கதாக செயற்படுத்தும் வகையிலும் நலன்புரி நன்மைகள் சபையின் செயற்திட்டத்தின் கீழ் தரவுகளை இலகுவாக தரவுத்தளத்தில் பதிவேற்றம் செய்யும் நோக்கிலும் அஸ்வசுமா மொபைல் ஆப் தொடர்பான பயிற்சி நெறி இடம் பெற்றது.

இந்நிகழ்வில் எண்ணீட்டுக் கள உத்தியோகத்தர்களான கிராம அலுவலர்கள், பொருளாதார அபிவிருத்தி உத்தியோகத்தர்கள், சமுர்த்தி அபிவிருத்தி உத்தியோகத்தர்கள் மற்றும் சமூக சேவை உத்தியோகத்தர், தகவல் தொடர்பாடல் தொழில்நுட்ப உத்தியோகத்தர், பிரதேச செயலக நலன்புரி நன்மைகள் சபை உத்தியோகத்தர்கள் ஆகியோா் கலந்து கொண்டனர்.

இலங்கை ஜனநாயக சோசலிச குடியரசின் 75வது சுதந்திர தின நிகழ்வு (04.02.2023) காலை 8.20 மணிக்கு எமது பிரதேச செயலக முன்றலில் பிரதேச செயலாளர் அவர்களால் தேசியக்கொடி ஏற்றலுடன் ஆரம்பிக்கப்பட்டது. அதனைத் தொடர்ந்து சுதந்திர தின நிகழ்வுக்காக நடை பெற்ற போட்டிகளுக்களுக்கான சான்றிதழ் வழங்கும் வைபவமும், சுதந்திர தினத்தினை முன்னிட்டு  எமது பிரதேச செயலக உத்தியோகத்தர்களால் சிரமதானமும் மேற்கொள்ளப்பட்டது.

சங்கானை பிரதேச செயலகத்தின் சிறு தொழில் அபிவிருத்தி பிரிவினரால் முன்னெடுக்கப்பட்ட இளம் தொழில்முனைவோர் ஊக்குவிப்பு நிகழ்வானது (Young Entrepreneurship Motivation program) 2022.11.18 அன்று சங்கரத்தை ரட்ணசிங்கம் மண்டபத்தில் நடைபெற்றது. 

அந்நிகழ்வின் பதிவுகள் சில...