ප්‍රාදේශීය ලේකම් කාර්යාලය - චංකානයි

சங்கானை பிரதேச செயலக சமூக சேவைப் பிரிவினரால் முன்னெடுக்கப்பட்ட மேற்படி நிகழ்வானது இம்மாதம் 21 ம் திகதி எமது பிரதேச செயலகத்தில் பிரதேச செயலக கணக்காளரின் தலைமையில் இடம்பெற்றது.

கணக்காளர் மற்றும் நிர்வாக உத்தியோகத்தர் தலைமையில் விளையாட்டு நிகழ்வுகள் ஆரம்பித்து வைக்கப்பட்டு அதனை தொடர்ந்து, 18 வயதின் கீழ் நீர் நிரப்புதல், 18 வயதின் மேல் நீர் நிரப்புதல் , 18 வயதின் மேல் பொது அறிவுப் போட்டி, செயற்கைக் கால் உடையவர்களுக்கான சங்கீத கதிரை மற்றும் விழிப்புலன் அற்றோருக்கான முட்டி உடைத்தல் போன்ற விளையாட்டுக்கள் நடாத்தப்பட்டு பரிசில்களும் வழங்கப்பட்டமை குறிப்பிடத்தக்கது.

இந்நிகழ்வின் பதிவுகள் சில...

மேற்படி நிகழ்வானது இம்மாதம் 16ம் திகதி மூளாய் சைவப்பிரகாச வித்தியாலயத்தில் இடம் பெற்றது. போதைத்தடுப்பு, உளவளத்துணை மற்றும் சமுதாய சீர்திருத்த உத்தியோகத்தர்களினால் இக்கருத்தரங்கு முன்னெடுக்கப்பட்டது.

இந்நிகழ்வின் பதிவுகள் சில...

UNDP நிறுவனத்தின் நிதி அனுசரனையுடன் CFCD  நிறுவனத்தினால் வலி மேற்கு சங்கானை பிரதேச செயலக பிரிவில் நடைமுறைப்படுத்தப்படும் 'நிலைபேறான மீள்குடியேற்றம், மீள் ஒருங்கிணைவிற்கான விரிவாக்கப்பட்ட ஆதரவு' எனும் திட்டத்தின் கீழ் மீள் குடியமர்ந்தவர்களிற்கான வாழ்வாதாரம் வழங்கும் திட்டத்தில் 2 இலட்சம் ரூபா பெறுமதியான வாழ்வாதாரம் வழங்குவதற்கு தெரிவு செய்யப்பட்ட 10 பயனாளிகளிற்கு வாழ்வாதார உதவி வழங்கும் ஆரம்ப நிகழ்வு 15.11.2023 அன்று பிரதேச செயலகத்தில் இடம்பெற்றது.

இந்நிகழ்வில் வலி மேற்கு பிரதேச செயலாளர், பிரதேச செயலக பிரதித்திட்டமிடல் பணிப்பாளர், UNDP, CFCD ஆகிய நிறுனங்களின் திட்ட இணைப்பாளர்கள் மற்றும் உத்தியோகத்தர்கள்¸ பிரதேச செயலக தன்னார்வ நிறுவனங்களின் இணைப்பாளர் மற்றும் உத்தியோகத்தர்கள்¸ பயனாளிகள் என பலரும் கலந்து கொண்டனர்.

சங்கரத்தை (J/159) பிரிவில் இன்று (2023.11.15) மருத்துவ முகாம் நடை பெற்றது. வட்டு பிரதேச மருத்துவமனையின் மருத்துவர், பணியாளர்கள் மற்றும் இக்கிராமத்தின் பொருளாதார அபிவிருத்தி உத்தியோகத்தர், கிராம அலுவலர், சமுர்த்தி அலுவலர் ஆகியோரின் பங்களிப்புடன் கொட்டும் மழையின் மத்தியிலும்  இந்த மருத்துவ முகாம் வெற்றிகரமாக மேற்கொள்ளப்பட்டது.

இந்நிகழ்வின் பதிவுகள் சில...